سٹی پولیس کی کاروائی ، گاڑی کی خفیہ خانوں سے منشیات برآمد۔
چارسدہ ( رپورٹ: شاہ باباحبیب عارف) انچارج چوکی سردریاب افتخار خان نے کامیاب کاروائی کرتے ہوئے سردریاب ناکہ بندی پر گاڑی کے خفیہ خانوں سے 3کلوگرام ہیروئین اور ایک کلو گرام افیون برآمد کر لی تفصیلات کے مطابق ڈسٹرکٹ پولیس آفیسر چارسدہ عرفان اللہ خان کی ہدایت پر ضلع بھر میں منشیات فروشوں کے خلاف کاروائیوں کا سلسلہ جاری ہے۔
ڈی ایس پی سٹی بشیر احمد خان کو خفیہ اطلاع ملی کہ کسی بھی وقت براستہ سردریاب منشیات سمگل کیا جائے گا، مصدقہ اطلاع پر ایس ایچ او تھانہ سٹی جوہر شید خان اور انچارج چوکی سردریاب افتخار خان نے سردریاب ناکہ بندی کو مزید سخت کردیا ۔ اس دوران ایک مشکوک موٹر کار الٹو کو تلاشی کے لئے روکا گیا موٹر کار کو باریک بینی سے تلاشی کے نتیجے میں
موٹر کار کے خفیہ خانوں سے 3کلو گرام ہیرئین اور ایک کلو گرام افیون برآمد کر لیا گیا۔ملزمان داد خان ولد زلفت شاہ ساکن نوشہرہ اور مسماۃ (ن)کو تھانہ سٹی منتقل کرکے ان کے خلاف 9 سی سی این ایس اےکے تحت مقدمہ درج کیا گیا ۔ ملزمان سے مزید تفتیش جاری ہے۔
