153

علیم خان کی نیب انکوائری کیخلاف درخواست کی سماعت

ہائیکورٹ نے کیس سے متعلق تفصیلی رپورٹ طلب کرلی

لاہور ہائیکورٹ نے علیم خان کی نیب کی انکوائری کیخلاف درخواست کی سماعت کے دوران نیب حکام سے پی ٹی آئی رہنما کیس سے متعلق تفصیلی رپورٹ طلب کر لی۔

تفصیلات کے مطابق جسٹس قائم علی خان کی سربراہی میں 2 رکنی بنچ نے علیم خان کی نیب کی انکوائری کیخلاف درخواست کی سماعت کی،درخواست میں موقف اختیار کیا گیا کہ نیب علیم خان کی کمپنی کیخلاف3 مرتبہ انکوائری کرکے بند کرچکاہے،قانون کے مطابق 3مرتبہ بندکی گئی انکوائری دوبارہ نہیں کھولی جا سکتی،عدالت سے استدعا ہے کہ نیب کو علیم خان کو ہراساں کرنے سے روکا جائے ۔

عدالت نے نیب حکام سے علیم خان کیس سے متعلق تفصیلی رپورٹ طلب کر لی،عدالت نے ریمارکس دیے ہیں کہ قانون کیمطابق کسی بھی کیس میں انکوائری کیلئے ایک سے زیادہ مرتبہ بلایاجاسکتاہے،عدالت نے درخواست پر مزید کارروائی 12 اپریل تک ملتوی کردی

اس خبر پر اپنی رائے کا اظہار کریں

اپنا تبصرہ بھیجیں