شمالی شام میں کار بم دھماکا، 18 افراد ہلاک
ترکی کے زیر انتظام شمالی شام کے علاقے الباب میں کار بم حملے میں 18 افراد ہلاک اور 27 زخمی ہوگئے۔
غیر ملکی میڈیا کے مطابق یہ واقعہ شمالی شام کے سرحدی علاقے الباب میں ایک بس اڈے کے قریب پیش آیا، دھماکے میں متعدد گاڑیوں اور عمارتوں کو بھی نقصان پہنچا ہے۔
دھماکے کی ذمہ داری کسی گروہ نے قبول نہیں کی ہے تاہم ترک وزارت دفاع نے اس کا الزام کرد عسکری تنظیموں پر عائد کیا ہے۔
Inhumane and uncivilised PKK/YPG terrorists continue to target innocent civilians using the same methods as DAESH. This time the terrorists detonated a car bomb in the Al-Bab bus terminal in the Op Euphrates Shield area, killing 10 civilians and injuring more than 15. pic.twitter.com/t6yPWGBaoX
— T.C. Millî Savunma Bakanlığı (@tcsavunma) November 16, 2019
ترکی کا کہنا ہے کہ کرد دہشت گرد گروہ پی کے کے اور وائے پی جی نے داعش کی طرح عام شہریوں کو نشانہ بنانے کا سلسلہ جاری رکھا ہوا ہے۔
واضح رہے کہ شمالی شام کا الباب نامی قصبہ گذشتہ 3 سالوں سے ترکی کے کنٹرول میں ہے، ترکی نے 2016 میں یہاں آپریشن کرکے کرد ملیشیا کو پیچھے دھکیل دیا تھا۔
یاد رہے کہ ترکی کی جانب سے گذشہ ماہ شمالی شام میں کرد ملیشیا کے خلاف بڑے پیمانے پر آپریشن شروع کیا گیا تھا تاہم امریکا اورپھر روس کی جانب سے مذاکرات کے بعد ترکی نے جنگ بندی کا اعلان کررکھا ہے جب کہ کرد جنگجوؤں نے علاقہ خالی کردیا ہے۔
ترکی اپنی سرحد سے متصل شامی علاقے کو محفوظ بنا کر ترکی میں موجود کم و بیش 20 لاکھ شامی مہاجرین کو بھی وہاں ٹھہرانا چاہتا ہے