پاکستانی اسٹار فیروز خان اور سیدہ علیزے فاطمہ کی ولیمے کی تقریب گذشتہ روز منعقد ہوئی اور اس کے ساتھ ہی دونوں کی شادی کے ہنگامے بھی اختتام پذیر ہوگئے۔
ولیمے کی تقریب میں فیروز خان بلیک سوٹ اور وائٹ شرٹ پر سیاہ بو لگائے نہایت ہینڈسم نظر آئے جبکہ ان کی اہلیہ علیزے نے گولڈن رنگ کی بھاری کامدار میکسی زیب تن کی اور تقریب میں چار چاند لگائے
فیروز خان کے ولیمے میں علی ظفر ، شہزاد ملک، عمران عباس، سائرہ شہروز اور دیگر اسٹارز نے بھی شرکت کی
اس موقع پر فیروز خان کی بہنیں حمیمہ ملک اور دعا ملک بھی نہایت خوبصورت ملبوسات زیب تن کیے تقریب میں رونق بکھیرتی نظر آئیں
ولیمے کے موقع پر انسٹاگرام پر گردش کرتی ایک ویڈیو نے بھی سب کی توجہ اپنی جانب مبذول کرلی، جس میں بظاہر فیروز کی اہلیہ علیزے نے ڈرائیونگ کرتے ہوئے اپنے شوہر کی ویڈیو بنائی
فیروز اور علیزے کی شادی 30 مارچ کو ہوئی تھی، اس سے قبل ان کی رسم حنا میں بھی شوبز اسٹارز نے خوب موج مستی کی تھی، جس کی تصاویر سوشل میڈیا پر وائرل ہیں