ڈڈیال پولیس کی جرائم پیشہ عناصر کے خلاف پے در پے 3 کارروائیاں، 5 جواری گرفتار
اسلام گڑھ ( بیورو چیف )ڈڈیال پولیس کا جرائم پیشہ عناصر پر کاری وار، پے در پے 3 کارروائیاں، 5 جواری گرفتار، 32 بوتل شراب برآمد ڈڈیال (19 ستمبر 2026): ایس ایس پی میرپور خرم اقبال اور ڈی ایس پی ڈڈیال چوہدری مہربان کی خصوصی ہدایت پر ایس ایچ او تھانہ ڈڈیال ذوہیب طاہر کی زیرنگرانی پولیس نے جرائم پیشہ عناصر کے خلاف پے در پے تین کارروائیاں کرتے ہوئے 5 جواری گرفتار، داؤ پر لگی 97 ہزار روپے کی رقم اور 32 بوتل شراب برآمد کرلی۔
تفصیلات کے مطابق پولیس ٹیم نے بھلوٹ میں ایوب خان عرف خاور خان کی بلاک فیکٹری پر چھاپہ مار کر جوا کھیلنے میں مصروف پانچ افراد کو گرفتار کیا۔ گرفتار ملزمان میں ایوب خان ولد ظفر خان سکنہ ڈرونی، خالد حسین ولد عبدالرحمان سکنہ سوچانی، محمد امین ولد محمد اکرم سکنہ کٹھار، ارسلان علی ولد قربان سکنہ رٹہ اور شفیق احمد ولد منگتا خان سکنہ ساولہ پیراں شامل ہیں۔ پولیس نے داؤ پر لگی 97 ہزار روپے کی رقم برآمد کرکے قمار بازی ایکٹ کے تحت مقدمہ درج کرلیا۔
دوسری کارروائی میں بٹھروعی، نزد دربار چھپراں، بٹھروی روڈ پر کارروائی کرتے ہوئے ارسلان خالد ولد خالد حسین، قوم مراثی، سکنہ بٹھروعی ڈڈیال کو گرفتار کرکے اس کے قبضے سے 14 بوتل شراب برآمد کی گئی۔
تیسری کارروائی میں انب پرانا بائی پاس روڈ پر کارروائی کرتے ہوئے وقاص ولد طارق محمود، قوم بھٹی، سکنہ سیکٹر نمبر 6 ڈڈیال کو گرفتار کرکے 18 بوتل شراب برآمد کرلی گئی۔ دونوں ملزمان کے خلاف امتناعِ منشیات ایکٹ کے تحت مقدمات درج کرکے مزید تفتیش شروع کردی گئی۔
کارروائیوں میں اے ایس آئی طاہر محمود، تفتیشی آفیسر خالد صدیق، ڈی ایف سی طاہر عباس، ذیشان مجید، کامران جمشید، زعفران مجید، ملک ندیم اور دیگر پولیس اہلکاروں نے حصہ لیا۔ عوام علاقہ نے ڈڈیال پولیس کی پے در پے کارروائیوں کو سراہتے ہوئے خراجِ تحسین پیش کیا ہے۔