مظفرآباد میں آئی جی پولیس آزاد کشمیر سے بیورو چیف کی اہم ملاقات
مظفرآباد:سی پی او آفس مظفرآباد میں نو تعینات انسپکٹر جنرل آف پولیس آزاد کشمیر کیپٹن (ر) لیاقت علی ملک سے بیورو چیف “پولیس ورسز کرائم” آزاد کشمیر جاوید اقبال بٹ نے ملاقات کی۔ ملاقات نہایت خوشگوار ماحول میں ہوئی جس میں محکمہ پولیس کو درپیش مسائل اور دیگر پیشہ ورانہ امور پر تفصیلی تبادلہ خیال کیا گیا۔
ملاقات کے دوران بیورو چیف جاوید اقبال بٹ نے آئی جی پولیس کو عوامی سطح پر درپیش مشکلات، تھانوں کے نظام میں بہتری، میرٹ کی بالادستی اور پولیس و عوام کے درمیان اعتماد کے فروغ کے حوالے سے آگاہ کیا۔ انہوں نے اس بات پر زور دیا کہ پولیس اور عوام کے درمیان فاصلے کم کرنا وقت کی اہم ضرورت ہے۔
اس موقع پر انسپکٹر جنرل آف پولیس کیپٹن (ر) لیاقت علی ملک نے کہا کہ محکمہ پولیس میں بہتری، شفافیت اور میرٹ کو یقینی بنانے کے لیے مؤثر اقدامات کیے جا رہے ہیں۔
آئی جی پولیس نے اس عزم کا اظہار کیا کہ پولیس کو ایک عوام دوست اور پیشہ ور ادارہ بنانے کے لیے تمام وسائل بروئے کار لائے جائیں گے تاکہ شہریوں کو بروقت اور انصاف پر مبنی خدمات فراہم کی جا سکیں۔
آخر میں اس بات پر اتفاق کیا گیا کہ پولیس اور میڈیا کے درمیان رابطہ مزید مضبوط بنایا جائے گا تاکہ عوامی مسائل کے حل اور انصاف کی فراہمی کو یقینی بنایا جا سکے۔
