اسکاٹ لینڈ کیخلاف اننگز میں پانچواں رن بناکر گیل کا ریکارڈ توڑا۔

پاکستان ٹیم کا مجوعی اسکور 59 رنز پر پہنچا تو فخر زمان 13 گیندوں پر 8 رنز بناکر کیچ آؤٹ ہوگئے۔

2 وکٹیں گرنے کے بعد محمد حفیظ اور کپتان بابر اعظم کے درمیان 53 رنز کی شراکت داری قائم ہوئی لیکن 112 کے مجموعی اسکور پر محمد حفیظ 31 رنز بناکر آؤٹ ہوگئے،اس کے علاوہ کپتان بابر اعظم 66 رنز بناکر آؤٹ ہوئے۔

شعیب ملک ٹی ٹوئنٹی انٹرنیشنلز میں تیزترین نصف سنچری بنانے والے پاکستانی بن گئے

شعیب ملک نے اسکاٹ لینڈ بولرز کا بھرکس نکالتے ہوئے پاکستان کی جانب سے ٹی ٹوئنٹی انٹرنیشنلز میچ میں تیز ترین ففٹی بنائی۔

 اسکاٹ لینڈ کے خلاف شاندار بیٹنگ کرتے ہوئے 18 گیندوں پر ففٹی بنائی اور 54 رنز بناکر ناٹ آؤٹ رہے۔

ان کی اننگز میں 6 چھکے اور ایک چوکا شامل تھا،اس کے علاوہ آصف علی 5 رنز بناکر ناٹ آؤٹ رہے۔

واضح رہے کہ پاکستان اور نیوزی لینڈ گروپ 2 سے پہلے ہی  سیمی فائنل میں پہنچ چکے  ہیں۔

ورلڈ کپ کے شیڈول کے حساب سے پہلا سیمی فائنل 10 نومبر کو شام 7 بجے ابوظبی میں ہوگا جبکہ دوسرا میچ 11 نومبر کو شام 7 بجے دبئی میں ہوگا۔

ٹورنامنٹ کے فارمیٹ کے حساب سے گروپ 1 کی پہلی پوزیشن والی ٹیم گروپ 2 کی دوسرے نمبر والی ٹیم سے سیمی فائنل میچ کھیلے گی اور گروپ 2 کی پہلی پوزیشن کی ٹیم گروپ 1 کی دوسرے نمبر والی ٹیم سے پنجہ آزمائی کرے گی۔

گروپ 2 میں نیوزی لینڈ رن ریٹ کی وجہ سے پہلے اور پاکستان دوسرے نمبر پر ہے۔

تاہم پاکستان  اپنے آخری گروپ میچ میں اسکاٹ لینڈ کو ہرا کر گروپ 2 میں ٹاپ پر آسکتا ہے جس کے بعد اس کا مقابلہ سیمی فائنل میں آسٹریلیا سے 11 نومبر کو ہوگا۔