حکومت سبسڈی والا آٹا فوری مہیا کرے، عوام شدید مشکلات کا شکار: چوہدری منشاء تاج
حکومت سبسڈی والا آٹا فوریاسلام گڑھ ( بیورو چیف ): پاکستان پیپلز پارٹی ضلع میرپور کے سیکرٹری اطلاعات و سابق امیدوار لوکل کونسل یونین کونسل مواہ چوہدری منشاء تاج ایڈووکیٹ نے کہا ہے کہ گزشتہ عرصہ سے عوام کو سرکاری سبسڈی والا آٹا میسر نہیں، جس کے باعث غریب اور متوسط طبقہ شدید مشکلات کا شکار ہے۔
انہوں نے کہا کہ آٹا ہر گھر کی بنیادی ضرورت ہے، مگر سرکاری آٹے کی عدم دستیابی کے باعث عوام کو مہنگے داموں آٹا خریدنے پر مجبور ہونا پڑ رہا ہے۔ پہلے ہی مہنگائی، بجلی کے بھاری بلوں اور روزمرہ اشیائے ضروریہ کی بڑھتی ہوئی قیمتوں نے عام آدمی کی مشکلات میں اضافہ کر رکھا ہے، ایسے میں سبسڈی والے آٹے کی عدم فراہمی عوام کے لیے مزید پریشانی کا باعث بن رہی ہے۔
چوہدری منشاء تاج ایڈووکیٹ نے کہا کہ حکومت عوام کو ریلیف دینے کے لیے فوری طور پر سبسڈی والے آٹے کی فراہمی بحال کرے اور آٹے کی دستیابی کو یقینی بنائے۔ متعلقہ ادارے آٹے کی مصنوعی قلت، ذخیرہ اندوزی اور منافع خوری کی روک تھام کے لیے مؤثر اقدامات کریں تاکہ سرکاری نرخوں پر آٹا حقیقی معنوں میں مستحق اور غریب خاندانوں تک پہنچ سکے۔
انہوں نے مطالبہ کیا کہ حکومت محض اعلانات تک محدود نہ رہے بلکہ عملی اقدامات کرتے ہوئے سبسڈی والے آٹے کی فوری فراہمی یقینی بنائے۔ غریب عوام پہلے ہی مہنگائی کے شدید دباؤ میں ہیں، اس لیے روٹی جیسی بنیادی ضرورت کو ان کی پہنچ سے دور کرنا کسی صورت مناسب نہیں۔ حکومت عوام کی مشکلات کا احساس کرتے ہوئے فوری ریلیف پیکیج اور آٹے کی مسلسل فراہمی کا مؤثر نظام وضع کرے تاکہ کوئی بھی خاندان بنیادی خوراک کے حصول میں مشکلات سے دوچار نہ ہو۔ مہیا کرے، عوام شدید مشکلات کا شکار: چوہدری منشاء تاج