فضل آباد اسلام گڑھ کی معروف شخصیت بابو محمد اقبال حرکتِ قلب بند ہونے سے انتقال کر گئے، نمازِ جنازہ ادا
اسلام گڑھ (جاوید اقبال بٹ سے): فضل آباد اسلام گڑھ کی گجر برادری کی ملنسار اور معروف شخصیت، ریٹائرڈ پوسٹ ماسٹر بابو محمد اقبال اچانک دل کا دورہ پڑنے سے اس عارضی دنیا سے رخصت ہو گئے۔ إِنَّا لِلَّهِ وَإِنَّآ إِلَيْهِ رَٰجِعُونَ
مرحوم عمر فاروق اور عامر اقبال کے والدِ محترم تھے۔ جبکہ بابو محمد فاروق محکمہ برقیات بوعہ بٹالہ فیض پور شریف اور بابو محمد ریاض کے چچا زاد بھائی تھے۔
مرحوم کی نمازِ جنازہ آج مورخہ 06 مئی 2026 بروز بدھ، دن 1:00 بجے اسلام گڑھ فضل آباد والے جنازہ گاہ میں ادا کی گئی۔ نمازِ جنازہ میں سیاسی، سماجی، مذہبی و کاروباری شخصیات سمیت ہر مکتبہ فکر سے تعلق رکھنے والے افراد نے بڑی تعداد میں شرکت کی۔ گجر برادری کے عمائدین اور عزیز و اقارب بھی کثیر تعداد میں شریک ہوئے۔
شرکاء میں نمایاں شخصیات:
سابق امیدوار اسمبلی خلیق الزمان چوہدری، سابق امیدوار اسمبلی محمد نذیر انقلابی، وزیرِ خزانہ چوہدری قاسم مجید،ضلعی صدر یاسر ممتاز چوہدری،کونسلر سید یاسب حسین شاہ، سید صابر حسین کاظمی راجوروی، آفتاب احمد سروری، ٹھیکیدار چوہدری سرفراز احمد، ایس ڈی او یاسر بشیر ،قاری چوہدری قربان صدیقی
ودیگر شامل تھے۔
نمازِ جنازہ کے بعد مرحوم کو کلمہ طیبہ کی پُر سوز صداؤں اور اشکبار آنکھوں کے ساتھ فضل آباد اسلام گڑھ کے مقامی قبرستان میں سپردِ خاک کر دیا گیا۔نماز جنازہ پیر حبیب الرحمن محبوبی نے پڑھائی
اس موقع پر تمام شرکاء نے مرحوم کے درجات کی بلندی، مغفرت اور لواحقین کے لیے صبرِ جمیل کی دعا کی۔ علاقے کی فضا سوگوار رہی اور ہر آنکھ اشکبار نظر آئی۔
اللہ تعالیٰ مرحوم کو جنت الفردوس میں اعلیٰ مقام عطا فرمائے اور پسماندگان کو یہ عظیم صدمہ برداشت کرنے کا حوصلہ دے۔ آمین
