اسلام گڑھ پولیس کی بڑی کارروائی، 13 لاکھ روپے برآمد، متاثرہ شہری کے حوالے
اسلام گڑھ ( جاوید اقبال بٹ سے )اسلام گڑھ پولیس کی بڑی کارروائی، 13 لاکھ روپے برآمد، متاثرہ شہری کے حوالے
میرپور پولیس کی ہدایت پر تھانہ پولیس اسلام گڑھ نے بروقت کارروائی کرتے ہوئے اوورسیز شہری سے ہتھیائی گئی 13 لاکھ روپے کی رقم برآمد کر کے متاثرہ شہری کے حوالے کر دی۔
پولیس ترجمان کے مطابق یہ کارروائی خرم اقبال کی خصوصی ہدایات پر عمل میں لائی گئی۔ ایس ایچ او تھانہ اسلام گڑھ عمیر رشید نے اسسٹنٹ سب انسپکٹر سمیر جاوید کے ہمراہ کارروائی کرتے ہوئے تین سال پرانے لین دین کے تنازعہ کو صرف تین دن میں حل کر لیا۔
پولیس نے مؤثر حکمت عملی اپناتے ہوئے رقم برآمد کی اور قانونی کارروائی کے بعد متاثرہ شہری کے حوالے کر دی۔ ایس ایس پی میرپور خرم اقبال کا کہنا ہے کہ شہریوں کے جان و مال کا تحفظ پولیس کی اولین ترجیح ہے اور ایسے معاملات میں فوری اور مؤثر کارروائی جاری رکھی جائے گی۔
متاثرہ اوورسیز شہری نے بروقت انصاف کی فراہمی پر پولیس حکام کا شکریہ ادا کیا اور اس اقدام کو قابلِ تحسین قرار دیا۔
اسلام گڑھ پولیس کی اس کامیاب کارروائی کو عوامی حلقوں میں سراہا جا رہا ہے اور اسے انصاف کی بروقت فراہمی کی بہترین مثال قرار دیا جا رہا ہے۔
