تہران: پاسداران انقلاب گارڈزکی بحریہ نے ایرانی فوج کےزیرکنٹرول آبنائےہرمزکا نیا نقشہ جاری کردیا۔ 

نقشے میں آبنائے ہرمزکے جنوب میں ایرانی کوہِ مبارک اور متحدہ عرب امارات میں فجیرہ کے درمیان ایک خط واضح کیا  گیا۔

اس سے قبل ایرانی فوج نے تمام تجارتی بحری جہازوں اور آئل ٹینکرز کو آبنائے ہرمز سے گزرنے کےلیے ایرانی فوج سے رابطے میں رہنے کی ہدایت کی تھی۔

امریکی جہازوں کو آبنائے ہرمز کے قریب نہ آنے کی وارننگ  بھی دی گئی ہے۔

ایرانی خاتم الانبیاسینٹرل ہیڈکوارٹرز کے سینئرکمانڈر نے کہا کہ آبنائےہرمزکو مکمل طورپر سنبھالے ہوئے ہیں، امریکی بحریہ آبنائے ہرمزکے قریب بھی نہ جائے۔

انہوں نے کہا کہ ایران کےکسی بھی حصےمیں کسی بھی سطح کے خطرے کا سختی سےجواب  دےگا۔

اس سے قبل ایرانی نیشنل سکیورٹی کونسل کے سربراہ ابراہیم عزیزی نے خبردار کیا تھا کہ آبنائے ہرمز میں امریکی مداخلت کو جنگ بندی کی خلاف ورزی تصور کیا جائے گا۔