راولپنڈی( خبرنگار ) میں کس کے ہاتھوں پر لہوتلاش کروں ،وہ قاتل تو اپنا ہی نکلا ۔۔۔۔۔۔ حلقہ عباسپور آزاد کشمیر کے علاقے سہر مدار پور سے تعلق رکھنے والے الفلاح موٹر ز کے مالک باپ بیٹا اپنے ہی خون کے ہاتھوں قتل ، قاتل فرار ایف آئی آر درج تفصیلات کے مطابق مقتول محمد شریف اعوان کے بیٹے شکیل کمال نے ایف آئی آر درج کراتے ہوئے موقف اختیار کیا کہ ہم الفلاح موٹر ز کے نام سے گاڑیوں کی خرید و فروخت کا کام کرتے ہیں ۔ میرا بھائی عقیل کمال بھی ہمارے ساتھ ہوتا ہے

گزشتہ روز ہم تینوں شو روم پر موجود تھے کہ میرے بھائی عقیل کمال کی باتوں باتوں میںمیرے والد محمد شریف اور چھوٹے بھائی محمد لطیف کے ساتھ تلخ کلامی ہوگئی ، عقیل کمال نے مشتعل ہو کر قتل کرنے کی نیت سے میرے والد محمد شریف اور بھائی محمد عدیل اعوان پر اندھا دھند فائرنگ کی اور انہیں قتل کر دیا گیا ، پولیس نے ایف آئی آر درج کر کے پوسٹمارٹم کے بعد میتیں ورثاء کے حوالے کر دیں اور قاتل کی گرفتاری کیلئے چھاپے مارنے شروع کر دئیے بعد ازاں میتیں آبائی گائوں تدفین کیلئے روانہ کر دی گئیں ، اس دلخراش واقعہ کے بعد علاقے میں شدید خوف وہراس پیدا ہو گیا