یو سی 21 شیخوپورہ سے چوہدری افضل بسراء امیدوار کونسلر و چیئرمین نامزد
شیخوپورہ(بیوروچیف/ شیخ محمد طیب سے)یونین کونسل 21 شیخوپورہ سے چوہدری افضل بسراء کو امیدوار کونسلر و چیئرمین نامزد کر دیا گیا ہے۔ نامزدگی کے بعد چوہدری محمد افضل بسراء نے میڈیا سے گفتگو کرتے ہوئے اپنے بیان میں کہا ہے کہ وہ عوام کے اعتماد پر پورا اترنے اور علاقے کی حقیقی معنوں میں خدمت کرنے کے لیے بھرپور کردار ادا کریں گے۔ ان کا کہنا تھا کہ اہل علاقہ کو درپیش مسائل اور بنیادی سہولیات کی کمی کے خاتمے کے لیے عملی اقدامات وقت کی اہم ضرورت ہیں۔
چوہدری افضل بسراء نے کہا کہ کامیابی کی صورت میں یونین کونسل 21 کی تعمیر و ترقی، صفائی ستھرائی، گلیوں، سڑکوں، نکاسی آب اور دیگر بنیادی مسائل کے حل کو ترجیحی بنیادوں پر اٹھایا جائے گا۔ عوام سے مسلسل رابطہ رکھتے ہوئے ان کی شکایات اور مسائل سنے جائیں گے اور متعلقہ اداروں کے ذریعے ان کے حل کے لیے مؤثر آواز بلند کی جائے گی۔
انہوں نے کہا کہ عوامی نمائندگی کسی اعزاز سے زیادہ ایک بڑی ذمہ داری ہے، جسے وہ خلوص، دیانت اور خدمت کے جذبے کے ساتھ نبھانے کا عزم رکھتے ہیں۔ ان کا کہنا تھا کہ علاقے کے تمام لوگوں کی بلاامتیاز خدمت اور اجتماعی مفادات کا تحفظ ان کی ترجیحات میں شامل ہے۔ انہوں نے اہل علاقہ سے اپیل کی کہ وہ علاقے کی بہتری، ترقی اور خوشحالی کے لیے ان کا ساتھ دیں