جرنلسٹ فا ئونڈیشن، اسلام آباد کیرئیر کالج میںباہمی تعاون کا معاہدہ
اسلام آباد(بیورو رپورٹ) جرنلسٹ فا ئونڈیشن اور اسلام آباد کیرئیر کالج میں صحافیوں کے بچوں کو خصوصی وظائف دینے کیلئے باہمی تعاون کا معاہدہ ،تفصیلات کے مطابق گزشتہ روز اسلام آباد کیرئیر کالجز میں صحافیوں کے بچوں کو ماہانہ فیسوں میں خصوصی رعایت دینے کے حوالے سے تقریب کا انعقاد ہوا، معاہدے کی تقریب میں چیئرمین کیرئیر گروپ آف انسٹیٹیوشنز جاوید انتظار ، ڈائریکٹر جنرل پروفیسر محمد عامر ، مرکزی صدر جر نلسٹ فا ئونڈیشن زیڈ اے ملک،جنرل سیکرٹری رفاقت حسین، ممبر گورننگ باڈی آئوش اعوان کی شرکت،ڈی جی پروفیسر محمد عامر ، جنرل سیکرٹری رفا قت حسین نے باہمی تعاون کے معاہدے پر دستخط کئے۔ معاہدے کے تحت اسلام آباد کیرئیر کالجز کی جڑواں شہروں اور دیگر اضلاع میں قائم برانچز میں صحافیوں کے بچوں کو ماہانہ فیس میں 25 فیصد سکالرشپ دیا جائے گا
،اور وفات پانے والے صحافیوں کے میرٹ پر بچوں کو فری تعلیم دی جائیگی،نیز جے ایف کو آئی سی سی اڈیٹوریم میں سیمینارز کرانے کی بھی اجاز ت ہوگی۔ ڈی جی آئی سی سی پروفیسر محمد عامر نے کہا کہ اسلام آباد کیرئیر کالجز کی ملک بھر میں 100 برانچز کھولیں گے ۔ جن میں بھی فا ئونڈیشن کے پلیٹ فارم سے صحافیوں کے بچوں کو تعلیمی سکالرشپ دیں گے،چیئرمین کیرئیر گروپ آف انسٹیٹیوشنز جاوید انتظار نے کہاکہ جرنلسٹ فائونڈیشن پاکستان کی صحافتی برادری کے لیے فلاحی و فکری سوچ قابل صد تحسین ہے،
صحافیوں کو ریلیف دینا ترجیح ہے،کیریئر گروپ آف انسٹیٹیوشنز صحافی برادری کے بچوں کی پیشہ ورانہ تعلیمی خدمات دینے کے لئے انکے ساتھ ہیں ۔ کیرئیر کی سوچ اور نظریہ ملک کے لیے محنتی ،ایماندار افراد اور قیادت تیار کرنا ہے، انہوں نے فا ئونڈیشن کو آٹو فنانس کا آئیڈیالوجی پر کام کرنے کی ترغیب دیتے ہوئے کہا کہ صحافی برادری اپنی مدد آپ کے تحت فلاحی سرگرمیاں سرانجام دے سکتی ہے۔ صدر جے ایف زیڈ اے ملک، سیکرٹری رفاقت حسین نے کیرئیر گروپ آف انسٹیٹیوشنز کیطرف سے تعلیمی سکالرشپ دینے کو خوش آ یند قرار دیتے ہوئے کہا کہ فائونڈیشن صحافتی برادری کی فلاح و بہبود کے لیے مصروف عمل ہے۔ آخر میں چیئر مین جاوید انتظار نے جے ایف کے وفد کو آڈیٹوریم کا دورہ بھی کروایا ۔
