اسلام آباد: وزیراعظم شہباز شریرف نے پمز اسپتال میں آگ لگنے کے واقعے پر ہنگامی اجلاس طلب کرلیا۔

وزیراعظم نے تمام متعلقہ حکام کو وزیراعظم ہاؤس طلب کرلیا ہے، تمام متعلقہ اداروں کے سربراہان کو بھی طلب کیا گیا ہے۔

ذرائع کا کہنا ہے کہ اجلاس میں آگ لگنے کے واقعے کے ذمہ داروں کو تعین کیا جائے گا۔

دوسری جانب انتظامیہ کے مطابق واقعے کی انکوائری کے لیے ایڈیشنل ڈپٹی کمشنر کی سربراہی میں 8 رکنی کمیٹی تشکیل دیدی گئی ہے، انکوائری کمیٹی آگ لگنے کی وجوہات کا تعین کرے گی۔

انکوائری کمیٹی کے سربراہی ایڈیشنل ڈپٹی کمشنر جنرل کریں گے جبکہ کمیٹی میں کیپیٹل ایمرجنسی سروسز کے ڈی جی اور ایس پی سٹی بھی شامل ہیں، اسسٹنٹ کمشنر آئی نائن اور ڈی جی سی ڈی اے بھی کمیٹی میں شامل ہیں۔

آئیسکو اور پمزاسپتال کے افسران کو بھی کمیٹی میں شامل کیا گیا ہے، انکوائری کمیٹی تحقیقات کے بعد 24 گھنٹے میں رپورٹ پیش کرے گی۔

وفاقی وزیر صحت مصطفیٰ کمال کا کہنا ہے کہ پمز اسپتال کی انتظامیہ اور متعلقہ حکام کے ساتھ مسلسل رابطے میں ہوں، اگر کسی کی لاپرواہی کی وجہ سے یہ واقعہ رونما ہوا ہے تو اسے نہیں چھوڑا جائے گا، اگر واقعے میں میری غلطی ہوگی تو مجھے بھی نہیں چھوڑا جائے گا۔