اسلام آباد:(( فائزہ شاہ کاظمی )) جنوبی اضلاع کے بعد فیصل آباد ڈویژن میں تحریک انصاف کی تنظیم سازی کی حوالے سے آج مرکزی سیکرٹری جنرل ارشد دادنےفیصل آباد کا دورہ کیا۔ اس موقع پر گورنر پنجاب چودھری محمد سرور اور ایڈیشنل سیکرٹری جنرل اعجاز چودھری بھی ان کے ہمراہ تھے۔انہوں نے سرکٹ ہاؤس فیصل آباد میں مقامی قائدین اور کارکنان سے تفصیلی ملاقات کی اور نچلی ترین سطح تک تنظیم سازی کے حوالے سے اہم امور پر تبادلہ خیال کیا۔پارٹی کے نئے آئین اور نئے تنظیمی ڈھانچے پر کارکنان سے تفصیلی مشاورت اور فیصل آباد ڈویژن کو درپیش انتظامی و تنظیمی چیلنجز کے حل پر بھی گفتگو ہوئی۔ بعد ازاں انہوں نے فیصل آباد ڈویلپمنٹ اتھارٹی کے چیئرمین اسد معظم سے بھی ملاقات کی اور اسد معظم کے مرحوم والد کے بلندئ درجات اور مغفرت کی دعا کی۔
243
