کراچی کے علاقے گلستان جوہر میں طوطا پکڑنے کے بہانے ایک ملزم فلیٹ سے موبائل فون چوری کرکے فرار ہو گیا۔

گلستان جوہر میں پرفیوم چوک کے قریب عمارت میں شہری عبدالغفار کے گھر کم عمر لڑکا آیا اور کہا کہ اس کا طوطا فلیٹ کی گیلری میں آگیا ہے جسے وہ پکڑنا چاہتا ہے۔

اجازت ملنے پر وہ گیلری کی طرف گیا تو طوطا نہیں تھا۔ ملزم عبدالغفار کو گیلری کے اوپر کی جانب متوجہ کرکے یہ کہتا ہوا چلا گیا کہ وہ اوپر سے طوطے کو اڑائے گا جو نیچے آئے تو دیکھتے رہنا۔ 

کافی دیر تک طوطا آیا اور نہ ہی نوجوان واپس پہنچا تو اہلخانہ کو شک ہوا۔ جس پر دیکھا تو لاؤنج میں ٹیبل سے موبائل فون غائب تھا۔