سیکرٹری پرائس کنٹرول ڈاکٹر کرن خورشید سے شوگر ملز ایسوسی ایشن کے وفد ارکان نے ملاقات
لاہور ( بیورو رپورٹ) سیکرٹری پرائس کنٹرول ڈاکٹر کرن خورشید سے شوگر ملز ایسوسی ایشن کے وفد ارکان نے ملاقات کی،چیئرمین شوگر ملز ایسوسی ایشن وفاق ذکاء اشرف اور پنجاب میاں اسلم بھی شریک تھے،شوگر ملز ایسوسی ایشن عہدیداران نے انڈسٹری کو درپیش مشکلات اور آئندہ کرشنگ سیزن کے آغاز بارے سفارشات سے آگاہ کیا۔
شوگر ملز ایسوسی ایشن نے یکم نومبر کی بجائے نومبر کے آخر میں کرشنگ کرنے کی درخواست کی۔سیکرٹری پرائس کنٹرول نے شوگر ملز ایسوسی ایشن کے ارکان کو ہر ممکن تعاون کی یقین دہانی کروائی۔وفاقی حکومت کو انڈسٹری کی سفارشات بارے آگاہ کیا جائے گا۔ڈاکٹر کرن خورشید کا کہنا تھا
کہ چینی کی عام مارکیٹ میں بلا تعطل سپلائی اور مقرر کردہ نرخوں بارے فروخت اولین ترجیح ہے۔وفد ارکان کا کہنا تھا کہ کرشنگ سیزن کے آغاز بارے سفارشات پر غور کیا جائے۔ سیکرٹری پرائس کنٹرول نے واضح کیا کہ انڈسٹری کے فروغ کیلئے ہر ممکن اقدامات یقینی بنائیں گے، ایڈیشنل سیکرٹری آپریشنز خالد بشیر، ڈپٹی سیکرٹری اور محکمہ کین کمشنر کے افسران بھی شریک تھے
