قومی اسمبلی کی قائمہ کمیٹی برائے غذائی تحفظ کا پی اے آرسی کے عمرکوٹ میں قائم زرعی تحقیقاتی مرکز کا دورہ

قومی اسمبلی کی قائمہ کمیٹی برائے غذائی تحفظ کا پی اے آرسی کے عمرکوٹ میں قائم زرعی تحقیقاتی مرکز کا دورہ

اسلام آباد (بیورو چیف ) پاکستان زرعی تحقیقاتی کونسل (PARC) قومی اسمبلی کی قائمہ کمیٹی برائے نیشنل فوڈ سیکیورٹی اینڈ ریسرچ کے اراکین کے لئے اپنے عمر کوٹ میں واقع زرعی تحقیقاتی مرکز (ایرڈ زون ریسرچ سینٹر ، عمرکوٹ) کے دورہ کا اہتمام کیا ہے تاکہ کمیٹی کو پی اے آرسی کے اس تحقیقی مرکز میں جاری سرگرمیوں سے آگاہ کیا جا سکے

۔ عمرکوٹ سے جناب لال چند ملہی ایم این اے/ پارلیمانی سیکرٹری برائے انسانی حقوق، ڈاکٹر جاوید ہمایوں سینئر جوائنٹ سیکرٹری وزارت غذائی تحفظ و تحقیق ، ڈاکٹر غلام محمد علی چیئرمین پاکستان زرعی تحقیقاتی کونسل ، ڈاکٹر محمد یونس آرائیں ڈی جی،پی اے آرسی سارک کراچی اور دیگر اعلیٰ حکام بھی اس دورے میں شریک ہیں۔

راؤ اجمل خان کی سربراہی میں کمیٹی کے دورے کے موقع پر ممبران کو ڈاکٹر غلام محمد علی چیئرمین پی اے آرسی اور ڈاکٹر محمد یونس ڈی جی سارک کراچی نے ایرڈ زون ریسرچ سینٹر کی طرف سے کی جانے والی زرعی تحقیقاتی سرگرمیوں کے بارے میں آگاہ کیا جس میں 60-70 اسپغول لائنیں ، کھجور کی 34 اقسام بشمول مصر سے درآمد کی گئی 03 اقسام، 04 پیوند شدہ بیر کی اقسام، مرچیں

، گوار، امرود کی 14 اقسام، سرسوں، ارنڈ کی پھلیاں۔ کچن گارڈننگ، ورٹیکل گارڈننگ، سولر پاور ڈرپ اریگیشن سسٹم، پچراریگیشن سسٹم اور نمکین پانی صاف کرنے کے نظام سے متعلق ماڈلز ، کمیٹی ممبران نے بریفنگ میں گہری دلچسپی ظاہر کی ۔انسٹی ٹیوٹ میں کاشت کیے جانے والے کیکٹس (اسپائن اور اسپائن کم)، گگرال، ایلو ویرا، املی، جنگل جولیبی، کھاوی اور مورنگا جیسے دواؤں کے پودے بھی دورہ پر آئے قومی اسمبلی کمیٹی کے ممبران اور دیگر اعلی عہدیداران نے معائنہ کئے۔
ڈاکٹر غلام محمد علی چیئر مین پی اے آرسی نے وفد کو یہ بھی بتایا کہ پی اے آرسی کا AZRC عمرکوٹ سٹیشن پاکستان کے صحرائی علاقوں کی بحالی پر کام کر رہا ہے۔ خشک سالی کو ختم کرنے اور بنجر ریگستانوں کو گھاس کے میدانوں میں تبدیل کرنے کے لیے، پی اے آرسی بین الاقوامی تعاون کے ساتھ، کامیاب زراعت اور مویشیوں کے ماڈل کو نقل کر رہا ہے۔انہوں نے اس موقع پر اس بات کا بھی اظہار کیا

کہ ہم علاقے کے کسانوں کو خود کفیل بنانے کے لیے زراعت، لائیو سٹاک، ماہی گیری اور سبزیوں کی پیداوار میں اضافے کے لیے ہر ممکن اقدامات کریں گے۔اس موقع پر ڈاکٹر عطاء اللہ خان ڈائریکٹر ازرک عمرکوٹ نے ادارے کی موجودہ سرگرمیوں جیسے سیڈ بینک، کچن گارڈن، سولر ڈی سیلینیشن یونٹ، ڈرپ ایریگیشن سسٹم، ہربیریم بلاک، ہائیڈرو فونک، 04 ایکڑ پر ایگرو فاریسٹری بلاک، کھجور، پیوند شدہ بیر، فالسہ، زیتون، چیکو، لیموں، مچھلی تالاب اور بائیو گیس پلانٹ اور باغات کے بارے میں بتایا

۔اس دوران مہمانوں نے فیلڈ ایریاز کا بھی دورہ کیا۔کمیٹی ممبران اور دیگر مہمانوں نے کنری میں واقع ایشیا کی سب سے بڑی مرچ مارکیٹ کا بھی دورہ کیا جہاں انہوں نے مرچ مارکیٹ کے نمائندوں سے ملاقات کی۔ انہوں نے خاص طور پر ہائبرڈ مرچ کے بیج کے بارے میں ان کے مسائل سنے اور ان کے حل کے لیے ہر ممکن اقدام اٹھانے کی یقین دہانی کرائی۔انہوں نے ڈائریکٹر جنرل پلانٹ پروٹیکشن کو مرچ کے علاقہ جات کا دورہ کرنے ،

مرچ مارکیٹ کے نمائندگان سے ملاقات کرنے اور ان کے مرچ کے بیج کے امپورٹ کے مسائل حل کرنے کی ہدایات بھی جاری کی۔ریسرچرز اور سائنسدانوں کی کاوشوں کو سراہتے ہوئے راؤ محمد اجمل خان سمیت دیگر کمیٹی ممبران نے ازرک عمرکوٹ میں ماڈلز کو کامیابی سے متعارف کروانے پر سائنسدانوں کی کاوشوں کو سراہا اور ڈاکٹر غلام محمد علی چیئرمین پی اے آرسی کا شکریہ ادا کیا