چوہدری محمد الیاس کا دورۂ برطانیہ، پاکستانی و کشمیری کمیونٹی کے روابط مضبوط بنانے پر اتفاق
پیٹربراہ(جاوید اقبال بٹ) آزاد کشمیر کے ممتاز صحافی اور سابق صدر چنار پریس کلب اسلام گڑھ، چوہدری محمد الیاس کے دورۂ برطانیہ کے موقع پر پیٹربراہ میں خصوصی نشست. سابق چیئرمین مجلسِ عاملہ، انٹرنیشنل جرنلسٹ کونسل آف پاکستان یوکے، سینئر صحافی آصف قریشی، برطانیہ کے صحافی چوہدری افتخار کلوال، ممتاز سیاسی و سماجی شخصیت الحاج چوہدری نصیر، ممتاز سیاسی و سماجی شخصیت نمبردار چوہدری جبار اور پیٹربرا کی ممتاز نوجوان شخصیت چوہدری محمد عمران سمیت دیگر افراد شریک ہوئے
https://www.youtube.com/watch?v=BJ5La3BvhOk&t=45s&pp=0gcJCTcMAYcqIYzv
ملاقات کے دوران پاکستان، آزاد کشمیر اور برطانیہ میں صحافت کو درپیش چیلنجز، صحافتی ذمہ داریوں اور موجودہ دور میں صحافی کے کردار پر تفصیلی تبادلۂ خیال کیا گیا۔ شرکاء نے اس بات پر زور دیا کہ سچائی، بے باکی اور ذمہ داری کے ساتھ تارکینِ وطن کے مسائل کو اجاگر کرنا صحافیوں کی بنیادی ترجیحات میں شامل ہونا چاہیے۔ملاقات میں برطانیہ میں مقیم اوورسیز پاکستانیوں کے شب و روز، ان کی زندگی کو درپیش مسائل اور برطانیہ کی ترقی میں ان کے کردار پر بھی گفتگو ہوئی۔ شرکاء نے کہا کہ اوورسیز پاکستانیوں نے اپنی محنت، لگن اور صلاحیتوں کے ذریعے برطانیہ میں نمایاں مقام حاصل کیا ہے
https://www.youtube.com/watch?v=uWH10h8DjwE&t=17s
اور مختلف شعبہ ہائے زندگی میں اہم کردار ادا کر رہے ہیں۔گفتگو کے دوران برطانیہ میں مقیم پاکستانی و کشمیری کمیونٹی کی نئی نسل کی کامیابیوں کا بھی خصوصی ذکر کیا گیا۔ چوہدری محمد الیاس نے کہا کہ بیرونِ ملک آباد ہمارے بزرگوں کی بے مثال قربانیوں، جدوجہد اور شب و روز کی محنت کی بدولت آج ہماری تیسری اور چوتھی نسل کامیابی کے ساتھ آگے بڑھ رہی ہے اور مختلف شعبہ ہائے زندگی میں نمایاں مقام حاصل کر رہی ہے
۔نشست کے اختتام پر آزاد کشمیر اور برطانیہ میں مقیم کمیونٹی کے درمیان روابط کو مزید مضبوط بنانے، اوورسیز پاکستانیوں اور کشمیریوں کے حقوق اور فلاح و بہبود کے لیے مشترکہ کوششیں جاری رکھنے پر اتفاق کیا گیا۔ اس موقع پر پاکستان اور کشمیر کی خوشحالی، ترقی اور استحکام کے لیے نیک خواہشات کا اظہار بھی کیا گیا۔تمام شرکاء نے چوہدری محمد الیاس کے دورۂ برطانیہ کو خوش آئند قرار دیتے ہوئے ان کی صحافتی خدمات کو سراہا اور ان کے لیے نیک خواہشات کا اظہار کیا۔