محمد یعقوب 42 سال 2 اور 14دن محکمہ تعلیم میں خدمات سر انجام دینے کے بعد ریٹائرڈ ہو گئے
اسلام گڑھ (جاوید اقبال بٹ سے) محمد یعقوب 42 سال 2 اور 14دن محکمہ تعلیم میں خدمات سر انجام دینے کے بعد ریٹائرڈ ہو گئے۔باعزت اور باوقار خدمات کی انجام دہی پر ڈسٹرکٹ ایجوکیشن آفیسر محمد اسحاق مغل کا زبردست الفاظ میں خراج تحسین ۔محمد یعقوب کی طویل درانیہ پر مشتمل ملازمت نئے آنے والوں کے لیے رول ماڈل کی حیثیت رکھتا ہے۔محمد انتہائی خوش اخلاق ،ہنس مکھ اور خوش گفتار انسان ہیں
۔اللہ تعالیٰ ان کی باقی زندگی میں برکت عطا فرمائے اور صحت وتندرستی عطا فرمائے۔ان خیالات کا اظہار ڈسٹرکٹ ایجوکیشن آفیسر ضلع میرپور محمد اسحاق مغل نے گورنمنٹ ہائی سکول اسلام گڑھ میں ملازم محمد یعقوب کی الوداعی تقریب سے خطاب کرتے ہوئے کیا۔اسسٹنٹ ڈویژنل ڈائریکٹر ڈویژن میرپور شعبہ نسواں لیاقت علی مغل نے کہا کہ محمد یعقوب اپنے کولیگز کے ساتھ انتہائی محبت سے پیش آتے تھے۔یہی وجہ ہے کہ آج ان کی خدمات کو زبردست الفاظ میں سراہا جا رہا ہے۔صدر معلم راجہ منیب افتخار نے کہا کہ لالہ یعقوب درد دل رکھنے والے ملازم تھے۔سکول میں ہر چھوٹے بڑے سے انتہائی محبت اور خلوص سے پیش آتے تھے۔اسسٹنٹ ایجوکیشن آفیسر اسلام گڑھ شرقی محمد عنصر شاہین نے کہا کہ مجھے اس الوداعی پارٹی میں بہت سکون آیا ہے ہر مقرر اور ھال میں موجود شخص ان کے ساتھ جس محبت کا اظہار کر رہا ہے
یہ بلاشبہ ان کی محنت اور لگن کا منہ بولتا ثبوت ہے ۔محمد ارسلان طارق نے کہا کہ یہ میری مادر علمی ہے مجھے اس سے بہت محبت ہے میرے والد بھی لالہ یعقوب کے ساتھ ملازم تھے ان کی اچانک وفات سے ہم سخت صدمہ میں ہیں۔میں لالہ یعقوب کی الوداعی تقریب کا خرچ خود کرنا چاہتا تھا لیکن سٹاف نے مجھے کہا کہ یہ ہماری ٹیم کا حصہ ہیں پارٹی بھی ہم ہی دیں گے۔ماسٹر محمد انور نے لالہ یعقوب کی ترجمانی کرتے ہوئے کہا کہ دوران سروس اگر کسی کو میرے رویے یا الفاظ سے دکھ پہنچا ہے
تو میں دلی معذرت خواہ ہوں۔انھوں نے لالہ یعقوب کی گورنمنٹ ہائی سکول اسلام گڑھ میں خدمات کے حوالے سے بتایا کہ لالہ یعقوب اپنی ذمہ داریاں تو احسن طریقے سے سر انجام دیتے ہی رہے ہیں ۔غریب اور یتیم بچوں کو کتابیں کاپیاں اور یونیفارم کے لیے اپنی بساط سے بڑھ کر تعاون کرتے رہے۔سکول کی فلاح اور زیبائش و آرائش میں اپنی جیب سے پیسے دیتے رہے۔اساتذہ کے ساتھ ان کا تعاون بے مثال رہا۔ہم ان کی خدمات کو ہمیشہ یاد رکھیں گے ۔لالہ طارق کی وفات سے ان کزنوں کی محبت کھل کر سامنے آئی۔لالہ یعقوب طارق کو یاد کر کے اکثر غمناک ہوجایا کرتے تھے۔لالہ یعقوب نے خود بھی تمام شرکاء اور تحائف دینے والوں کا شکریہ ادا کیا۔تقریب کا باقاعدہ آغاز تلاوت کلام پاک سے قاری عمران الطاف نے کیا۔
ہدیہ نعت چودھری یعقوب کے بہترین ساتھی محمد مجید نے پیش کیا۔اسٹیج سیکرٹری کے فرائض چودھری محمد انور نے سر انجام دئیے۔تقریب میں چودھری ہارون ،حاجی سکندر،محمد عجائب ،وسیم باری،اعجاز احمد،محمد سرفراز ،ماسٹر محمد یٰسین اور دیگر نے شرکت کی۔الوداعی تقریب میں لالہ یعقوب کے گلے میں طلائی ہاروں کا ڈھیر لگ گیا۔تحائف دینے والوں نے بھی بے مثال تحائف پیش کیے۔لالہ یعقوب کو اساتذہ نے بھرپور طریقے سے ان کی رہائش گاہ پر چھوڑا۔گھر میں بھی ان کا کا عزیز و اقارب نے بھرپور استقبال کیا۔
