پاکستان مسلم لیگ (ن) حلقہ نمبر دوکے امیدوار اسمبلی محمد نذیر انقلابی نے اپنے کارکنوں کے ساتھ مشاورتی اجلاس
اسلام گڑھ (جاوید اقبال بٹ سے) پاکستان مسلم لیگ (ن) حلقہ نمبر دوکے امیدوار اسمبلی محمد نذیر انقلابی نے اپنے کارکنوں کے ساتھ مشاورتی اجلاس میں خطاب کرتے ہوئےکہا ہے کہ جماعت ٹکٹ کا فیصلہ سوچ سمجھ کرکرے، اگر پرچی کے ذریعے کوئی غلط فیصلہ کیا گیا تو میں اس کو قبول نہیں کرونگا، میں جماعت کے بانی ممبران میں شامل ہوں، کرنل محمد معروف الیکشن لڑیں تو وہ 800ووٹ بھی نہیں لے سکتے، جماعت کے اندر کچھ ایسے مہلک لوگ موجود ہیں جنہوں نے جماعت کو نقصان پہنچایا۔
وقت آنے پر ان پر بھی بات کرونگا، رٹھوعہ ہریام پل کے لیے سب سے پہلے میں نے آواز بلند کی۔ ان کا کہنا تھا کہ جب منگلا ڈیم اپریزنگ کا آغاز ہو رہا تھا تو اُنہوں نے اس وقت کے وزیراعظم سردار سکندر حیات خان کو مجوزہ پل کی جگہ کا دورہ بھی کروایا،سردار سکندر حیات خان نے پل کی منظوری میں اہم کردار ادا کیا۔ انہوں نے کہا کہ حقائق کو مسخ نہیں کرنا چاہیے اور سچ سامنے آنا چاہیے،
جبکہ آج کچھ لوگ محض کریڈٹ لینے کی کوشش کر رہے ہیں حالانکہ وہ اصل حقائق سے واقف نہیں۔انہوں نے مزید کہا کہ حالیہ تقریب میں، جو پاکستان مسلم لیگ (ن) کے مشیر امور کشمیر انجینئرامیر مقام کے اعزاز میں منعقد ہوئی تمام امیدواران اسمبلی کو اظہارِ خیال کا موقع ملنا چاہیے تھا۔ ان کا کہنا تھا کہ اگر امیدوار اپنے کارکنوں کے ساتھ شرکت نہ کرتے تو جلسہ میں مٹھی بھر لوگ ہی ہوتے، وزیر امور کشمیر اس گیدرنگ سے بھی خوش نہیں تھے۔ محمد نذیر انقلابی نے کرنل (ر) محمد معروف پر تنقید کرتے ہوئے
کہا کہ وہ بڑی بڑی باتیں کر رہے ہیں مگر پوٹھہ بینسی میں لینڈ سلائیڈنگ سے متاثرہ افراد کے معاوضہ جات کے حوالے سے انہوں نے وزیر امور کشمیر کے ساتھ کوئی کوئی بات نہیں کی اور آج تک متاثرین کو مکمل معاوضہ بھی نہیں مل سکا۔ مزید تنقید کرتے ہوئے انہوں نے کہا کہ کرنل (ر) محمد معروف بطور مشیر حکومت بھی رہ چکے ہیں مگر وہ یہ بتائیں کہ انہوں نے اسلام گڑھ اور اس حلقے کے لیے کون سا ترقیاتی منصوبہ دیا ہے۔ ان کا کہنا تھا کہ الیکشن لڑنا کرنل معروف کے بس کی بات نہیں اور اگر وہ میدان میں آئیں تو ایک ہزار ووٹ بھی حاصل نہیں کر سکیں گے۔ انہوں نے خبردار کیا
کہ اگر جماعت نے ایسے امیدوار کو کسی پرچی کے ذریعے ٹکٹ دیا تو اس کا خمیازہ خود جماعت کو بھگتنا پڑے گا اور وہ ایسے کسی فیصلے کو ہرگز قبول نہیں کریں گے۔انہوں نے کہا کہ وہ جماعت کے بانی ارکان میں شامل ہیں جیسے صدر جماعت شاہ غلام قادر اور سیکرٹری جنرل چوھدری طارق فاروق جماعت کی قیادت کر رہے ہیں، اسی طرح ان کا بھی جماعت میں اہم کردار ہے۔ مزید گفتگو کرتے ہوئے انہوں نے کہا کہ رٹھوعہ ہریام پل کے منصوبے میں شامل کروانے سے لے کر اس کے تسلسل تک وہ مسلسل اس کے ساتھ منسلک رہے اور اس منصوبے کو معاہدے کا حصہ بنوانے میں اہم کردار ادا کیا۔ انہوں نے تسلیم کیا
کہ اس میں دیگر افراد اور حلقوں کا بھی کردار ہے، جن میں میڈیا، سوشل میڈیا ایکٹیوسٹس، تارکینِ وطن، بالخصوص برطانیہ سے تعلق رکھنے والے رکن پارلیمنٹ راجہ محمد یاسین، یوٹیوبرز اور ایکشن کمیٹی شامل ہیں، تاہم کچھ لوگ اس کا سارا کریڈٹ خود لینے کی کوشش کر رہے ہیں۔ انہوں نے چوہدری قاسم مجید کو تنقید کا نشانہ بناتے ہوئے کہا کہ وہ آج اس پل کا کریڈٹ لے رہے ہیں، حالانکہ پہلے یہ واضح کریں کہ جب ان کے والد چوہدری عبدالمجید وزیراعظم آزاد کشمیر تھے تو انہوں نے اس منصوبے کی مخالفت کی اور اسے منصوبے میں شامل کرنے کے حق میں نہیں تھے۔ ان کا مزید کہنا تھا
کہ بعد ازاں ان کی حکومت میں بھی اس منصوبے پر تاخیر کی گئی اور عملی طور پر پل پر کوئی کام شروع نہیں ہو سکا جبکہ آج کریڈٹ لینے کی دوڑ لگی ہوئی ہے۔ انہوں نے وزیر اعظم پاکستان میاں شہباز شریف اور میاں نواز شریف کا بھی شکریہ ادا کیا جنہوں نے فنڈز کی فراہمی میں خوشدلی کا مظاہرہ کیا۔ انہوں نے کہا کہ آج سب دیکھ لیں کہ خالق آباد سے لے کر پلاک تک تمام سرکردہ افراد شارٹ نوٹس پر یہاں موجود ہیں جو مجھ پر بھرپور اعتماد کا اظہار کر رہے ہیں۔ انہوں نے کہا وہ کبھی بھی اس اعتماد کو ٹھیس نہیں پہنچائیں گے
۔ آخر میں محمد نذیر انقلابی نے کہا کہ پارٹی نے ماضی میں اس حلقے کو نظر انداز کیا جس کی وجہ سے شکست کا سامنا کرنا پڑا۔ اگر اب بھی ایسا کوئی فیصلہ کیا گیا جس سے جماعت کو نقصان پہنچنے کا خدشہ ہو تو وہ اسے ہرگز قبول نہیں کریں گے اور اپنے کارکنوں کے جذبات کے مطابق ہر فیصلہ کریں گے اور انہی کی رائے پر عمل پیرا ہوں گے۔ تقریب میں جن نمایاں شخصیات نے شرکت کی ان میں
اصغر محمود خالق آباد،سابق ایڈمنسٹریٹر عامر رزاق، کونسلر پوٹھہ بینسی خان قیوم،کونسلر منشی خالد،سابق چیئرمین زکواۃ ارشد مٹھا شیراز بشیر،خالد چوہان،نائب صدر مسلم لیگ ن حوالدار طارق،ماسٹر جمیل کلیال بینسی،راجہ جاوید،سابق ممبر ضلع کونسل چوہدری محمود،کونسلر میونسپل کمیٹی طارق محمود، کونسلر دانش سوداگر، سابق چیئرمین انیس رضا، ٹھیکیدار ارشد محمود، راجہ محمد بوستان، عرفان بندوروی،خالد محمود سمیت کثیر تعداد میں کارکن شامل ہیں