مریم نواز نے حکومت کیخلاف حکمت عملی سے متعلق عوام سے رائے مانگ لی
مسلم لیگ ن کی نائب صدر مریم نواز نے حکومت کے خلاف حکمت عملی سے متعلق عوام سے رائے مانگ لی۔
ٹوئٹر پر ایک پوسٹ میں مریم نواز نے عوام کی رائے طلب کرتے ہوئے لکھا کہ پی ڈی ایم اور مسلم لیگ ن عوام کے احساسات کی ترجمانی اور ان کی تکالیف کا مداوا کرنا چاہتی ہیں، آپ کی دکھ کی گھڑی میں آپ کے ساتھ کھڑا ہونا چاہتی ہیں اور آپ کی آواز بننا چاہتی ہیں، آپ کے خیال میں اس سلسلے میں ہمارا سب سے مؤثر اور انتہائی اقدام کیا ہونا چاہیے ؟
PDM اور مسلم لیگ ن عوام کے احساسات کی ترجمانی اور انکی تکالیف کا مداوا کرنا چاہتی ہے، آپ کی دکھ کی گھڑی میں آپ کے ساتھ کھڑا ہونا چاہتی ہے اور آپ کی آواز بننا چاہتی ہے۔ آپ کے خیال میں اس سلسلے میں ہمارا سب سے موثر اور انتہائی اقدام کیا ہونا چاہیے ؟
— Maryam Nawaz Sharif (@MaryamNSharif) November 6, 2021
مریم نواز کا کہنا تھا کہ آدھی سے زیادہ آبادی غربت کے گڑھے میں جا چکی ہے ، اس کے بعد بھی گزگز بھر کی لمبی زبانیں ان لوگوں ہی کی نکل سکتی ہیں جو غریب کا درد نہیں جانتے ۔
ان کا مزید کہنا تھا کہ پی ڈی ایم اور مسلم لیگ ن دکھ کی تکلیف کی اس گھڑی میں عوام کے ساتھ کھڑی ہونا چاہتی ہیں ، عوام بتائیں کہ وہ 2017 کا نواز شریف کا پاکستان چاہتے ہیں یا آج کا غربت، بے روزگاری، مہنگائی اور فاقہ کشی والا پاکستان؟
