تحصیل انتظامیہ اسلام گڑھ کی ہمراہ پولیس اسلام گڑھ رات گئے پلجورہ ٹاؤن میں بڑی کاروائی،
اسلام گڑھ(نماییدہ خصوصی)
تحصیل انتظامیہ اسلام گڑھ کی ہمراہ پولیس اسلام گڑھ رات گئے پلجورہ ٹاؤن میں بڑی کاروائی،
متنازعہ جگہ سے کاٹی گئی ٹنوں لکڑی برآمد،
1 اشتہاری ملزم سمیت ڈیرے کے مالکان و ملازم گرفتار، نقص امن کا خطرہ اور احتجاج ٹل گیا،
عوام علاقہ کا زبردست خراج تحسین،
تفصیلات کے مطابق گزشتہ رات گئے قابل و زیرک آفیسر اسسٹنٹ کمشنر اسلام گڑھ تنویر السلام نے ہمراہ تحصیلدار راجہ آصف منیر،نائب تحصیلدار چوہدری الطاف، پٹواری حلقہ محمد فاروق معہ نفری پولیس تھانہ اسلام گڑھ اے ایس آئی اسد مغل و دیگر کے ہمراہ پلجورہ ٹاؤن میں ایک ڈیرے پر چھاپہ مار کر متنازعہ علاقہ جس پر کمشنر میرپور نے اسٹے آرڈر جاری کیا ہوا ہے سے کاٹی گئی کئی ٹن لکڑی ناصرف برآمد کر لی بلکہ ذرائع کے مطابق جائے موقع سے ایک عدد اشتہاری ملزم سمیت موجود لوگوں کو علاقہ میں نقص امن کو خطرہ اور کشیدگی کی بابت گرفتار کر لیا۔تاہم گرفتار افراد کی مکمل تفصیل سامنے نہیں آئی۔
یاد رہے کہ اسی تنازعہ اور لکڑی بریدگی کی وجہ سے گزشتہ ایک ماہ سے علاقہ میں کشیدگی پائی جا رہی تھی بلکہ چند دن قبل بھی متنازعہ جگہ سے لکڑی کاٹنے اور قبضہ کرنے کی وجہ سے اہلیان علاقہ نے لکڑی سے لوڈ ٹریکٹر ٹرالی کو روکا تھا جس پر نوبت لڑائی جھگڑے تک پہنچ گئی تھی جو پولیس کی مداخلت کی وجہ سے حالات معمول پر آئے۔
یہ بھی یاد رہے کہ اسی جائے متنازعہ جو 5 موضعات کی حدبست کا تعین کا معاملہ ہے پر کمشنر میرپور کی طرف سے پابندی کے باوجود لکڑی بریدگی کی جا رہی تھی۔
جس وجہ سے ناصرف علاقہ میں تناؤ و کشیدگی کا ماحول تھا بلکہ اہلیان علاقہ نے آج محکمہ مال اسلام گڑھ کے خلاف ہڑتال کا اعلان بھی کیا ہوا تھا جو بعد ازیں تحصیل انتظامیہ کے ساتھ طویل نشستی مزاکرات کے بعد اور کاروائی کی یقین دہانی کے بعد ہڑتال کی کال واپس لے لی گئی تھی۔
تحصیل انتظامیہ نے بروقت و بہترین اقدامات اٹھاتے ہوئے لوگوں کو ناصرف ہڑتال کی وجہ سے خوار ہونے سے بچایا بلکہ رات گئے بھرپور کاروائی کر کے اور لکڑی سمیت مالکان کو برآمد کرکے آئے روز کی کشیدگی کو ختم کیا ہے۔
جس پر تمام مکاتب فکر سے تعلق رکھنے والوں نے اس کاروائی کو خوش آئند قرار دیا ہے۔اور اسسٹنٹ کمشنر اسلام گڑھ تنویر السلام کو خراج تحسین پیش کرتے ہوئے اس امید کا اظہار کیا ہے کہ تحصیل انتظامیہ ناصرف ریاستی رٹ کو برقرار رکھے گی اور سرسبز درختوں کی کٹائی پر پابندی پر عملدرآمد کرائے گی بلکہ مقامی سطح پر بھی کمشنر میرپور طاہرممتاز و ڈی سی میرپور راجہ صداقت کے احکامات حدبست تنازعہ کے حل تک نقل و حرکت تغیر وتبدل پر پابندی پر من و عن عملدرآمد کرائیں گے اور علاقہ کو کشیدگی سےبچائیں گے
تاکہ دوسرا برسالی واقعہ رونما ہونے سے بچ جائے۔اس موقع پر اسسٹنٹ کمشنر تحصیل اسلام گڑھ تنویرالسلام نے اپنے پیغام میں کہا ہے کہ قانون کو کسی کو ہاتھ میں لینے نہیں دیں گے حدبست معاملہ کی وجہ سے 5 موضعات کے بارڈرز پر پابندی عائد ہے جس پر من و عن عملدرآمد کرایا جائے گا۔ اور کسی کو قانون شکنی کی اجازت نہیں دی جائے گی۔سرسبز درختوں کی کٹائی پر حکومت کی طرف سے پابندی عائد ہے لوگ سرسبز درختوں کی کٹائی سے حتی المقدور گریز کریں اپنے ڈیروں وغیرہ پر رکھے گئے غیرریاستی لوگوں کو فوری رجسٹرڈ کرائیں تاکہ ریاستی امن قائم رہ سکے۔انھوں نے مزید کہا کہ میرے دروازے مظلوم کے لیے ہمیشہ کھلے ہیں اور اس کی داد رسی کرنے میں کوئی کسر باقی نہیں رکھی جائے گی۔
